ნათია კალანდაძის საგანმანათლებლო ბლოგი : ისტორიის გაკვეთილები

კომპლექსური დავალება: ვირტუალური ტური მუზეუმში VII ა კლასი

კომპლექსური დავალების შესრულების დროს: მოსწავლე აქტიურია, ჩართულია ძიებაში, შემოქმედებით პროცესში, წინარე ცოდნაზე დაყრდნობით ახდენს ახალი ცოდნის კონსტრუირებას; კომპლექსურ დავალებას ცხოვრებისეულ, ყოფით გამოცდილებას უკავშირებს;

დიდი ყურადღება ექცევა სწავლის სწავლას; აქტიურია ინტერაქცია მოსწავლე-მასწავლებელს და მშობელს შორის; მოსწავლე ამთლიანებს ცოდნას და არ ხდება საგნობრივი კომპეტენციების იზოლირება, ერთმანეთისგან მოწყვეტა.

კომპლექსური დავალებების შესრულებისას, თანამედროვე მოსწავლე იოლად აკავშირებს იაკობ ხუცესის „შუშანიკის წამებაში“ ნახსენებ სასანიანთა ირანს, პეროზ მეფესა და ისტორიაში ნასწავლ ვახტანგ გორგასალს; ციფრულ ტექნოლოგიებს იყენებს ინფორმაციის მისაღებად, დასახარისხებლად, საპრეზენტაციოდ, შესანახად, გავრცელებისთვის (წყარო: https://akhaliganatleba.ge/https-akhaliganatleba-ge-wp-admin-post-phppost13983actioneditclassic-editor/)

ბავშვი, როდესაც კომპლექსურ დავალებაზე მუშაობს, აქტიურია, ანუ თვითონ არის ჩართული შემოქმედებით პროცესებში, რაც აუცილებელი წინაპირობაა იმისა, რომ ცოდნა მიიღოს. პასიურ მდგომარეობაში ბავშვი ცოდნას არ იღებს – ეს მნიშვნელოვანი პრინციპია.

მეორე მნიშვნელოვანი პრინციპი არის ის, რომ კომპლექსური დავალებები საშუალებას გვაძლევს, მოსწავლეს ნაცნობი ფენომენიდან უცნობის სწავლაში დავეხმაროთ.

მესამე მნიშვნელოვანი პრინციპი, რაც ამ ფორმატის დავალებების შესრულებასთან არის კავშირში, სასწავლო მასალის ცხოვრებისეულ კონტექსტებთან დაკავშირებაა. კომპლექსური დავალების პროექტებით ყოფით ცხოვრებას უკავშირებენ იმას, რაც თეორიულად ისწავლეს, გამოდის, რომ აქცენტი კეთდება არა მარტო რაიმეს დამახსოვრებაზე ან პროცედურებზე, არამედ მის სიღრმისეულ გააზრებაზე. ეს იმას ნიშნავს, რომ ნებისმიერი ცოდნის (ცოდნის სამივე კატეგორიაზე – დეკლარატიული, პროცედურული და ფუნქციურ-პირობითი) ცხოვრებისეულ კონტექსტებთან დაკავშირებას უწყობს ხელს. (წყარო: https://akhaliganatleba.ge/http-akhaliganatleba-ge-wp-admin-post-phppost5920actioneditclassic-editor/)

სამოდელო გაკვეთილის რეფლექსია

მასწავლებლის სახელი, გვარი, პირადი ნომერი: ნათია კალანდაძე

საგანი: ისტორია

სწავლების საფეხური/კლასი: VIIIა

თარიღი: 02.06.23

მოსწავლეთა რაოდენობა: კლასში 22 მოსწავლეა/კლასში არის 1 სპეციალური საგანმანათლებლო საჭიროების მქონე მოსწავლე

საკითხი/ქვესაკითხი ,,ქართული სამეფო-სამთავროები XVI საუკუნეში ისლამური იმპერიების გარემოცვაში“- ქართლი, კახეთი, იმერეთი, სამცხე-საათაბაგო

გაკვეთილის მიზანი: მოსწავლეები იმსჯელებენ და გაანალიზებენ, თუ როგორ უმკლავდებოდნენ ქართული სამეფო-სამთავროები ისლამური იმპერიების აგრესიას, რამ გამოიწვია საქართველოს დაშლა სამეფო სამთავროებად.

სამიზნე ცნებები და მათთან დაკავშირებული მკვიდრი წარმოდგენები:

ისტორიული მოვლენა/პროცესი

Ø ყველა ისტორიულ მოვლენას აქვს თავისი მიზეზი/მიზეზები და შედეგი/შედეგები

Ø ისტორიკოსები ხშირად კამათობენ ისტორიული მოვლენების მიზეზებსა და შედეგების შესახებ

Ø ზოგიერთ ისტორიულ მოვლენას ლოკალური, ზოგს კი გლობალური მნიშვნელობა აქვს

Ø ისტორიული ფაქტები და მოვლენები ტიპოლოგიურად შეიძლება დაჯგუფდეს პოლიტიკური,სოციალური, ეკონომიკური და კულტურული ნიშნით.

წყარო/ინტერპრეტაცია

Ø ინფორმაციას წარსულის შესახებ ისტორიკოსები წყაროებიდან იღებენ

გაკვეთილის მიზანი:

ყველა აქტივობა, რომელიც დავგეგმე და სათავეს იღებდა გაკვეთილის მიზნიდან,ესგ-დან გამომდინარე,სწორედ ამიტომ შევარჩიე სხვადასხვა ალტერნატიული მეთოდი და ბოლოს მოვახდინე გაკვეთლის ჩატარებდამდე მიზნობრივად დახარისხება.პრიორიტეტი შევაჩერე იმ მეთოდებზე რომელიც სრულად ასახავდა კომპლექსური დავალების პირობას, ნაბიჯებს და შექმნილი პროდუქტების წარდგენას შესაბამის გაკვეთილზე.

მრავალფეროვანი მეთოდების არსებობამ,რომელიც ზუსტად გათვალისწინებული იყო მოსწავლეთა ასაკობრივ და ინდივიდუალურ თავისებურებებზე:

· შექმნა კლასში მოსწავლეზე ორიენტირებული სასწავლო პროცესი,რომელსაც ადასტურებდა მოსწავლეთა მხრიდან დამოუკიდებელი მუშაობა.

· ცალკე გამოვყოფ კომპლექსური დავალების პირობას და სტრუქტურას, ჯგუფების მიერ წარმოდგენილ პრეზენტაციებს, რომელმაც ხელი შეუწყო პრობლემის იდენტიფიცირებას და გადაჭრის გზების ძიებას.

· კომპლექსური დავალების პირობა იყო შემდეგი:

წარმოიდგინეთ, რომ ხართ მიწვეული ახალგაზრდა მეცნიერთა კონფერენციაზე სახელწოდებით ,,ისტორია იწყება ჩვენით“.

კონფერენციაზე ახალგაზრდა მეცნიერები წარდგებიან გუნდურად, ჯგუფების სახით, სადაც თავად ჰყავთ შერჩეული პრეზენტატორები, რომელთა მეშვეობით წარმოადგინეს ერთობლივი თანამშრომლობის შედეგი. წარმოჩენილი იქნა შემდეგი თემატიკა ,,ქართული სამეფო-სამთავროები XVI საუკუნეში ისლამური იმპერიების გარემოცვაში“- ქართლი, კახეთი, იმერეთი, სამცხე-საათაბაგო.

N1 ჯგუფი

საგამომცემლო სახლი ,,ისტორიანი“

თემა: ,,ქართული სამეფო-სამთავროები XVI საუკუნეში ისლამური იმპერიების გარემოცვაში“- ქართლი

ამ ორგანიზაციის დამფუძნებლებმა თავად შექმნეს ხელნაკეთი წიგნი სახელწოდებით ,,გმირები უკვალოდ არ იკარგებიან“. მათი მიზანი იყო მოახდინათ წიგნის პრეზენტაცია და დააფუძნონ მოსწავლეთა კონფერენცია საბაზო საფეხურზე სახელწოდებით ,,ისტორია იწყება ჩვენით“, რომელიც გაიმართება ყოველი წლის გაზაფხულზე, სადაც მონაწილეობას მიიღებენ სხვადასხვა სკოლების მოსწავლეები.

N2 ჯგუფი

ახალგაზრდა მეცნიერთა საზოგადოება ,,ერი და ისტორია“.

თემა: ,,ქართული სამეფო-სამთავროები XVI საუკუნეში ისლამური იმპერიების გარემოცვაში“- კახეთი აღნიშნულმა ჯგუფმა პრეზენტაცია წარმოადგინეს power point-ის პროგრამის მეშვეობით.

N3 ჯგუფი

სამეცნიერო საზოგადოება ,,ისტორიის გზაგასაყარზე“

თემა: ,,ქართული სამეფო-სამთავროები XVI საუკუნეში ისლამური იმპერიების გარემოცვაში“- სამცხე-საათაბაგო

აღნიშნული ჯგუფი პრეზენტაციას წარმოადგინეს power point-ის პროგრამის მეშვეობით.

N4 ჯგუფი

საქართველოს ხელნაწერთა ინსტიტუტის ახალგაზრდა მეცნიერთა გუნდი.

თემა: ,,ქართული სამეფო-სამთავროები XVI საუკუნეში ისლამური იმპერიების გარემოცვაში“-იმერეთი, ტყვეთა სყიდვის დოკუმენტი.

ახალგაზრდა მეცნიერებმა წარმოადგენეს მათ მიერ აღმოჩენილ წყარო,განიხილეს და შესაბამის დასკვნები გამოიტანეს მის მნიშვნელობასთან დაკავშირებით.

მოსწავლემ, როგორც მეცნიერთა ჯგუფის წევრმა, ამოიცნო ტყვეთა სყიდვის ფოტო კასტელის ალბომიდან, რომელიც მოათავსა წარმოდგენილ წყაროზე.

· გაკვეთილის მიზნის მიღწევად შეიძლება ჩაითვალოს რეფლექსიის დროს მოსწავლეების მიერ წარმოდგენილი ალტერნატიული გზა კონკრეტული ისტორიული ფაქტებთან მიმართებით.

თითოეული აქ წარმოდგენილი ნაშრომი უკავშირდება 2018-19 სასწავლო წლებს, ყველას წარმატებებს გისურვებთ! გამიხარდება თუ გამიზიარებთ თქვენს მოსაზრებებს, წინასწარ მადლობა თანამშრომლობისთვის.

,,მზის ქრონოლოგიური საათი" მოხსენება power- point

,,მზის ქრონოლოგიური საათი" წარდგენილია კონფერენციაზე

,,გაასამართლე ისტორიული პიროვნება"

,,გახდი ჟურნალისტი ისტორიის გაკვეთილზე"-თეზისი

,,გახდი ჟურნალისტი ისტორიის გაკვეთილზე" power-point

სამოდელო გაკვეთილი: ,,კულტურის ძეგლები აფხაზეთში"

სამოდელო გაკვეთილი, ,,კულტურის ძეგლები აფხაზეთში'' რეფლექსია

VI კლასმა 2018-19 სასწავლო წლისთვის ისტორიაში სწავლა-სწავლების პროცესს ახალი სახელმძღვანელოს მეშვეობით შეუდგა. თითეული თემა საინტერესოა მოსწავლებისათვის, ისინი აქტიურად არიან ჩართული საგაკვეთილო პროცესში. კონკრეტული თემა რომელიც საქართველოს ერთ-ერთ მხარეს კახეთს უკავშირდებოდა,შეჯამდა სხვადასხვა საკითხი და საინტერესო აღმოჩნდა მოსწავლეებისათვის. შევეცადე გაკვეთილი მათი მოტივაციის ხელშემწყობი გამხდარიყო, მათ ორიგინალურად შეძლეს წარმოედგინათ თითოეული საკითხი.

1. ქისტები და ჩვენ